shrx
  [email protected]      +91 7010252049

Love Tips for Couple: கணவன் மனைவி உறவில் அன்னியோன்யம் அதிகரிக்க என்ன செய்ய வேண்டும்?

Love Tips for Couple: கணவன் மனைவி உறவில் அன்னியோன்யம் அதிகரிக்க என்ன செய்ய வேண்டும்?
By: Tamil Samayam Posted On: October 07, 2019 View: 8

Love Tips for Couple: கணவன் மனைவி உறவில் அன்னியோன்யம் அதிகரிக்க என்ன செய்ய வேண்டும்?

Love Tips for Couple: கணவன் மனைவி உறவில் அன்னியோன்யம் அதிகரிக்க என்ன செய்ய வேண்...
ஹைலைட்ஸ்இல்லறம் இனிக்க மனைவிக்கு அந்த விஷயத்தில் இருக்கும் விருப்பு வெறுப்புகளை அறிந்துகொள்ளுங்கள்
பரிசின் விலையில் அன்பு வருவதில்லை பரிசு கொடுக்கும் விதத்தில் தான் அன்பு அதிகரிக்கிறது.
உங்கள் மனைவியுடன் தனிமையைக் கழிக்க நேரத்தை நீங்களே உருவாக்கிக்கொள்ளுங்கள்.
உலகிலேயே யாராலும் கணிக்க முடியாத விஷயம் எதுவென்றால் பெண்களை கவர்வதுதான். மனைவியின் அன்பை பெறும் ஆண்களால் உலகையே ஜெயித்துவிட முடியும் என்றும் சொல்வார்கள்.

ஊடலும் கூடலும் இருந்தாலும் கலப்பிடமில்லாத அன்பை வாழ்நாள் முழுக்க பெறும் ஆணின் வாழ்க்கை அபரிமிதமான மகிழ்ச்சியை உள்ளடக்கி இருக்கும் என்பது நிச்சயமான வார்த்தை.

பெண்களின் மனதில் இருக்கும் ஆழத்தைக் கண்டறிய முடியாது என்று சொல்பவர்களுக்கு மத்தியில் பெண் கள் சொல்லிக்கொள்வதெல்லாம் ஒன்றே ஒன்றுதான். எங்கள் மனதில் ஆழம் எல்லாம் இல்லை. எங்கள் மனதில் இருக்கும் உணர்வுகளைப் புரிந்துகொள்ளுங்கள் என்பதுதான்.

அப்படி பெண்களின் உணர்வுகளைப் புரிந்து கொள்ளும் கணவனாக இருந்தால் உலகையே வெல்லலாம்.
பெண்களின் மனம் கவர எளிமையான குறிப்புகளைப் பின்பற்றினால் போதும் ஆயுள் முழுமைக்கும் அழகான வாழ்க்கையைப் பெற்றிருப்பீர்கள்.

அன்பை ஒளிவுமறைவின்றி வெளிப்படுத்துங்கள்
எப்போதும் ஒருவித மன இறுக்கத்தோடு உலாவரும் உங்கள் எரிச்சலை மறந்தும் மனைவி மீது காண்பித்து விடாதீர்கள். அத்தருணத்தில் அவரது மனநிலையும் அப்படி இருந்தால் இருவருக்குள் பூசலையே உண்டாக்கி விடும்.

சிறந்த கணவனைத் தேர்வு செய்வது எப்படித் தெரியுமா?

சிறிது நேரம் உங்களை ஆசுவாசப்படுத்திக்கொண்டு பொறுமையோடு நான் குழப்பமான மனநிலையில் இருக்கிறேன். ”உன் கையால் காபி கொடேன் அதோடு சிறிது நேரம் எனக்கு தனிமை தேவை”என்று சொல் லுங்கள்.

மனதில் இருக்கும் பெரும் சுமை உங்களுக்கு இறங்குகிறதோ இல்லையோ உங்கள் மீதான அன்பு உங்கள் மனைவிக்கு அத்தருணம் அதிகரித்து காணப்படும். உங்கள் மீதான அன்பை அன்று முழுவதும் அதிகமாக வெளிப்படுத்துவதை உணரலாம்.


தாம்பத்தியத்தில் வற்புறுத்தல் வேண்டாம்
இனிய இல்லறம் என்பது உடல் சார்ந்தது மட்டுமல்ல மனம் சார்ந்த விஷயமும் கூட. உங்களுக்கு ஆசை இருக் கும் அதே நேரம் உங்கள் மனைவிக்கும் ஆசை இருந்தால் மட்டுமே உங்கள் தாம்பத்ய வாழ்க்கை இனிமையாக இருக்கும்

நாள் முழுவதும் களைத்து பணி செய்யும் உங்கள் மனைவியின் பேச்சுக்கு சற்றேனும் செவி கொடுங்கள். அறைக்குள் நுழைந்ததும் உடல் சார்ந்த தேடலை தொடங்கிவிட்டால் உங்கள் மனைவியின் மனதில் உங்கள் மீதான நம்பிக்கை குறைய தொடங்கும்.

தாம்பத்தியத்தில் வெளிப்பாடாக ஆசையைத் தெரிவிக்கும் ஆண்களுக்கு மத்தியில் பெண்கள் மறைமுகமா கவே தங்களது விருப்பத்தைத் தெரிவிப்பார்கள் என்பதையும் கவனிப்பது அவசியம். அதே நேரம் உங்கள் மனைவிக்கு அந்த விஷயத்தில் இருக்கும் விருப்பு, வெறுப்பு அறிந்து நடந்துகொள்ளுங்கள். இது தாம்பத்தியத்தை இனிமையாக்கும்.

வேகமோ விவேகமோ உங்கள் மனைவியின் விருப்பப்படி நடந்துகொண்டால் தாம்பத்திய உறவில் எப் போதும் உங்களுக்குள் மனக்கசப்பும் பிரச்சனையும் நேராது.

பெண்கள் ஆண்களிடம் எதிர்பார்க்கும் 9 விஷயங்கள் என்ன தெரியுமா?

உங்கள் தேவையை உணர்த்திவிடுங்கள்
எனக்கு இது மிகவும் பிடிக்கும். எனக்கு இந்த உணவு அலர்ஜி. உனக்கு இது பிடித்தால் நானும் சிறிது சிறிதாக மாற்றிக்கொள்கிறேன். நான் எப்போதும் உன்னை கட்டிப்பிடித்துக் கொண்டு உன் அருகாமையில் இருக்கவே விரும்புகிறேன். எனக்கு பிடித்த உணவை சமைக்கும் போதும் அதிகப்படியான உன் வேலையின் போதும் நானும் உன்னுடன் இணைந்து வேலையைப் பகிர்ந்துகொள்ள விரும்புகிறேன்.

இரவு நேரங்களில் உன்னைக் கட்டிப்பிடித்துக்கொண்டு தூங்கினால் நான் மிகவும் மகிழ்ந்திருப்பேன். உனக்கு என்மீது எத்தகைய கோபமோ வருத்தமோ இருந்தாலும் அன்றைய இரவில் அதை தெளிவுப்படுத்திவிடு. நானும் அப்படியே செய்கிறேன். எந்த சூழ்நிலையிலும் கோபத்தில் வார்த்தைகளை வீசிவிடாதே.

நமக்குள் வாக்கு வாதம் இடைவெளியை உண்டாக்கிவிடக்கூடாது . நீயும் அப்படியேதான் நினைப்பாய் என்று நினைக்கிறேன். நம் இருவருக்கும் இருக்கும் வாக்குவாதங்களை அலசி ஆராய்ந்து நன்மையையார் சொன் னாலும் ஏற்றுக்கொள்ள வேண்டும். உன் தரப்பு வாதங்களையும் நான் கேட்க தயாராக இருக்கிறேன் இப்படி சொல்லுங்கள்.


எப்போதும் ஃப்ரெஷ்ஷாக இருங்கள்
ஆள்பாதி ஆடை பாதி என்று சொல்வார்கள். திருமணம் முடிந்து எத்தனை வருடங்கள் ஆனால் என்ன உங்கள் துணைக்கு எப்போதும் நீங்கள் அன்பான அழகானவர் தான் என்பதால் பளிச் அலங்காரத்தோடு இருங்கள்.
வேர்த்து வடிந்த முகமும், அழுக்கு படிந்த ஆடையும் பார்த்த உடன் உங்களிடமிருந்து உங்களைத் தள்ளி வைக் கும்.

எளிமையான அலங்காரமே உங்களவரின் மனதில் உங்களை பேரழியாகவோ அல்லது பேரழகனாகவோ காண்பிக்கும். எத்தகைய பணிச்சூழலிலும் இரவு நேரங்களில் உங்கள் சோர்வை விரட்டி ஃபெரெஷ்ஷாக இருக்க பழகுங்கள். இந்த நெருக்கம் இருவருக்குள்ளுமான கவர்ச்சியை அதிகரிக்க செய்யும்.

சின்னச் சின்ன பாராட்டு
நான் மட்டுமே வேலை செய்கிறேன் என்று அலுத்துகொள்ளும் உங்கள் துணையை அழகான வார்த்தைகளால் பாராட்டுங்கள். உன்னை விட யாராலும் இவ்வளவு நேர்த்தியாக செய்ய முடியாது. மிகப் பிரமாதம். நானே செய்திருந்தாலும் இப்படி செய்திருக்க முடியாது.

வேறு ஏதேனும் வேலை இருந்தால் கொடேன் என்று சொல்லிப்பாருங்கள். உங்கள் மனைவியின் முகம் மேலும் பிரகாசமாகும். நீங்கள் எதுவும் செய்யாமல் என் அருகிலேயே இருங்கள் என்று சொல்லிவிடுவார்கள்.


சின்னச் சின்ன பரிசு
விலை மதிக்கத்தக்க பரிசு, விலை குறைந்த பரிசு என்று காதலுக்கு எதையும் வரையறுக்க முடியாது. பரிசின் விலையில் அன்பு இல்லை. பரிசு கொடுக்கும் விதத்தில் தான் அன்பு இருக்கிறது. அழகான பரிசை விட அன் பான முத்தப்பரிமாற்றம் பல சங்கடங்களை மறக்க வைக்கும்.

அன்பை பல மடங்கு பெருக்கும். உங்கள் மனைவி எதிர்பார்க்காத தருணத்தில் நீங்கள் ஆசையோடு தரும் முத் தம் ஒரு அன்னையாக உங்களை அவர் மனதில் உயர்த்திகாட்டும். பிறந்த நாள், திருமண நாள் மட்டும் அல்லா மல் மனம் மகிழ்ச்சியாக இருக்கும் தருணங்கள் எல்லாமே உங்கள் அன்பை காட்டும் நேரம்தான்.

Relationship with couple: மனைவியிடம் கணவன் எதிர்பார்ப்பது என்ன தெரியுமா?

குறை சொல்வதைத் தவிருங்கள்
பலருக்கும் உணவு விஷயத்தில் தான் பிரச்சனை என்பதே. என்ன ரசம் இது உப்பு கூடி விஷம் மாதிரி இருக்கி றது என்று சொல்லாமல் சற்று உப்பை குறைத்து போட்டிருக்கலாம். ஆனால் உனக்கும் வேலை அதிகம் அதனால் அச்சமயம் சோர்வாக இருந்திருப்பாய் என்று சொல்லுங்கள்.

பதிலுக்கு கோபம் காட்டாமல் வருத்தத்தோடு தங்கள் தவறை ஒப்புக்கொள்ளும் உங்கள் மனைவியின் சமை யல் அடுத்துவரும் நாட்களில் மிகுந்த கவனத்தோடு இருக்கும் என்பதோடு நான் அறியாமல் செய்த தவறையும் பெருந்தன்மையோடு சுட்டிக்காட்டுகிறாரே என்று சொல்லும் உங்கள்மனைவி உங்கள் மீதான சிறு சிறு குறைகளையும் பெரிதுபடுத்த மாட்டார்.


உறவுகளைத் தவிர்க்காதீர்கள்
எங்கள் வீட்டு உறவு, உங்கள் வீட்டு உறவு என்ற பேதமில்லாமல் அனைவருக்கும் முக்கியத்துவம் கொடுங்கள். முக்கிய விழாக்களின் போது உங்கள் வீட்டு ஆட்கள் எனக்கு மரியாதை தரவில்லை என்ற வாக்குவாதத்தைப் பொழியாதீர்கள். அவர்களை குறைசொல்லும் போதெல்லாம் உங்கள் மீதான அன்பை நீங்கள் சிறிது சிறிதாக இழந்துவருகிறீர்கள் என்பதை மறந்துவிடாதீர்கள்.

தனிமையை உருவாக்கி கொள்ளுங்கள்
புதுமணத்தம்பதியர் மட்டும்தான் தேனிலவு செல்லவேண்டும் என்பதில்லை. குழந்தைகள் அதன்பிறகு பேரன் பேத்தி எடுத்த பிறகும் உங்களுக்கான தனிமை நேரத்தை எப்போதும் ஒதுக்கி வையுங்கள்.

உங்கள் மனைவிக்கு பிடித்த இனிப்பு, பிடித்த புத்தகம், பிடித்த இடங்கள் என்று அவர்களுக்காக ஒரு நேரத்தை மாதம் ஒரு முறையாவது ஒதுக்கி அவர்களுடன் நேரம் செலவிடுவதை திருமணமான நாள் முதலே கடைபிடி யுங்கள்.

இதனால் உங்களுக்குள் எவ்வித ஒளிவு மறைவும் இருக்காது. உங்களுக்குள் அதீத நெருக்கத்தையும் அன்னியோன்யத்தையும் உண்டாக்கும்.

மனைவியின் அன்பை பெற்ற பெருமைமிகு ஆணாக நீங்கள் மட்டுமல்ல உங்கள் மனைவியும் இணைந்து சிறந்த ஆதர்சனதம்பதியராக வளைய வருவீர்கள்.

Read this on Tamil Samayam Ad1
  Contact Us
  Mumin Media.

Chennai, Tamilnadu, India

Tel : +91 7010252049
Mail : [email protected]
Business Hours : 9:30 - 5:30

  Follow Us
Site Map
Get Site Map
  About

Lorem ipsum dolor sit amet, consectetur adipisicing elit. Excepturi, dolores, quibusdam architecto voluptatem amet fugiat nesciunt placeat provident cumque accusamus itaque voluptate modi quidem dolore optio velit hic iusto vero praesentium repellat commodi ad id expedita cupiditate repellendus possimus unde?